إيه الخنقة ديه ، ريحة العرق مقرفة ، ناس ما عندهاش دم ، هتعدي إزاي يا أستاذ … 

عبارات متداولة يمكنك سماعها عند خروجك إلى وسط البلد من حوالي الساعة الـ 11 وحتى الساعة ال5:55 هذا عدا وصولك في معادك ( لو كان عندك معاد ) متأخر وذلك بسبب السير المروري بطريقة (تاتا تاتا ) والتي بدأ تطبيقها عمليا مع بداية شهر رمضان الكريم . 

وفي رأيي كل هذا بسبب سواق غلس واقف يحمل في وسط السكة ، أو واحد ( ………..) راكن العربة في وسط الشارع أو عسكري مرور ما بيفهمش موقف الدنيا عشان الآنسة تعدي وكلها حاجات هايفة بس بتعمل وراها بلاوي .

واللي غايظني في الموضوع ( موضوع تاني ) إللي هو الزنقة بتاعت الأتوبيسات ، رؤيتك للسيدات وهن يقدن السيارة بكل مهارة ورشاقة ، والناس المساكين واقفين على بعض عاملين زي علبة التونة جو المواصلات ، ما هو بالعقل برضو ، ما ينفعش يبقى عبلة قول خمس أفراد ، وكل واحد راكبلي عربية لوحده ، وناس مش لاقية حاجة تركبها خالص .وللا إيييييييه؟؟!بالله عليكم هل ده عدل ، ألا يدل هذا على ظلم طبقي في توزيع الدخل القومي وثروات البلاد .

وإنا لله وإنا إليه راجعون